支持及訂閱請按 Like

星期四, 7月 31, 2008

連鎖硬膠

數十外傭請願冀劃一豁免新舊合約外傭徵費
2008-07-31 HKT 11:18
幾十名外傭要求全面取消外傭徵廢 (戴碧怡攝)

40 多名外傭到政府總部外請願,要求新舊合約劃一豁免外傭徵費,長遠全面撤銷徵費,以免影響外傭生計。

在場有近一半參與請願的傭工聲稱,在行政長官曾蔭權宣布有關措施後已被解僱,批評政策混亂。

代表又說,擔心 2010 年 7 月 31 日免徵費期屆滿前,僱主為享額外豁免,再出現解僱潮。


硬膠是如何造成的?硬膠就是由硬膠人士的硬膠腦部搞硬膠造成的--為何會如此複雜?為何唔知講緊乜?原因,就係一句成語:「天下本無事,庸人自擾之」。

要退錢,如果認認真真搞,通過立法會囉!由立法會通過一條議案,話退回呢兩年的所有錢,乜野都解決哂,乾手淨腳,政府的錢由左袋去右袋好,自己點樣畀錢都好,簡簡單單方方便便,好似「強制捐款」畀大陸「重建」嘛,就係咁樣做,連香港人的錢用在非香港人身上,都可以咁簡單就話解決,議員大帝又可以舉手同意,點解畀外傭稅會搞成咁的爛攤子呢?

因為搞退錢畀香港人,就唔經過立法會,用行政手段搞膠,於是一個硬膠的條例--行政原因一層一層膠落去,就變成而家的局面;對於香港市民來講,點解畀錢畀大陸就咁方便,退錢畀市民就咁唔方便呢?

九千六蚊,對「好景的中產」來說,不是甚麼錢;要搞咁多去慳九千六,真係未必會想搞囉;問題不是九千六蚊,而係唔公道。

點解有些人會有得拿?有些人會冇?有些人多些,有些人少些?由人為製造唔公道,才是政府的最大問題--反過來,寧願人人冇,好過有人有,有人冇。

一次、兩次、三次繞過立法會去做事,上得山多終遇虎;應該執正來做的就唔做,應該權宜行事的就搞膠,由泛民到政府都係一堆無可救藥的硬膠--真係「膠道永不變」啦,唉。

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    9 個月前

最近文章

再次伸延閱讀