支持及訂閱請按 Like

星期四, 7月 17, 2008

我們需要有膠力的議員

由於林忌遇上膠到無朋友的八膠連環事件,受驚過度,需要休息一下,所以由專搞爛gag的邱吉爾暫代一天。

昨天特首答問大會,最具娛樂性部分係單仲偕臨別演出,當眾向特首派膠,結果特首連自已退過稅都唔記得咗,當眾自膠,而電視機前的觀眾,當然變晒花生黨,恥笑特首。

在一個膠到無朋友,立法會議員連立法權都無的膠議會,議員可以做乜,當然係向當權嘅人派膠。邱吉爾都投過票俾長毛,原因無他,因為我們要有膠力的人,去議會倒屎,至低限度維持議會的娛樂性,同埋搞到膠人搞膠搞到好無癮。

你話呢幾年邱吉爾唔滿意長毛乜,係創意唔夠,膠力不足,結果俾范太好似教仔咁教。當然邱吉爾支持長毛連任,但我地想長毛增強膠力之餘,要有更多有膠力的議員,搞到成班土共或希師奶,個個變晒每月之星為止。

在硬膠的政制下,我們只好以硬膠治硬膠。正所謂,救香港,靠膠人。幾時香港議會,至會有件腦魔二世。
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    3 週前

最近文章

再次伸延閱讀