支持及訂閱請按 Like

星期四, 3月 20, 2008

福佳選舉口號

今次台灣大選的選舉口號,不用多講,當然是綠營大勝。

就算不看棒球,三個字簡簡單單的「逆轉勝」口號,已經好過藍營的「向前實在引人發笑,行」N 倍;行甚麼的?陰司路嗎?再者林忌亦懂台語,「向前行」的台語發音亦不出眾,藍營的文宣一貫唔掂,今次亦唔例外。

再者,配合了綠營那個倒轉 Cap 帽的動作,更加型爆了;三個字、簡單、直接、包含了無限意思,日式語言、配合了台南的文化,配合了台灣的族群認同問題,就算林忌唔支持綠營,都要對綠營的口號、創意都五體投地寫個服字,呢 D 客觀現實真係冇得彈。

至於香港地成堆政治團體、組織,年年都派人去「觀摩選舉」,到今日林忌都唔知佢地觀乜?香港地的選舉口號,真係次次都引人發笑,唔好話同民進黨比,連同國民黨比都冇得比;自從某政治講師創作了「我會做好呢份工」之後,香港的硬膠跟風生態,又好似香港腳一樣發作,人人跟風作口語,但所謂的口語似係回到八十年代,硬膠程度直迫老共民宣,吾不欲觀之矣。

有人問:林忌你點解唔幫泛民作口號?先不論泛民會唔會搵我,最基本的問題,係泛民班大老心態老化,創作的事情應交由創作的人做,而唔係所謂「民主」、「集體決定」,唔係因為官大、資歷深,個創作頭腦就會好左;然而泛民中人卻對呢 d 常識 ABC / 政治 ABC / 廣告 ABC / 人生 ABC 都唔識又唔知,永遠唔會搵o岩人,或者交由擁有呢方面才華的人決定--於是就算再好的口號提供左,由於有決定權的人,根本就冇鑑賞力,於是十句中最差果句,必定最後當選,於是乎出街果句又係笑到你甩褲,這就是為何國民黨次次口號都膠的相同原因,而去台灣選舉睇一萬次都學唔到的原因,同董建華一樣--問題出在個腦,問題出在個「膠選機制」。

自由黨果句「講得出,做得到」,已經成為千古笑柄;最近更見到一句「愛膚堅」級數的口號,「好在仲有 X X X 」,真係笑到肚都痛;午夜夢迴,想笑亦笑唔出,欲哭無淚哉!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    6 個月前

最近文章

再次伸延閱讀