支持及訂閱請按 Like

星期日, 2月 24, 2008

報評會關心假新聞嗎?

報業評議會批評報章以藝人淫照促銷
[23/02 星期六 14:32]

報業評議會主席陳韜文表示,收到不少涉及報章刊登藝人淫褻照片的投訴。他批評報章雜誌以侵犯藝人私隱促銷,做法煽情,要求當局檢討淫褻及不雅物品管制條例。他又指,事件主角陳冠希已表明是相片版權持有人,呼籲傳媒刊登時考慮版權問題。

陳韜文先講淫褻,再講私隱,又轉過頭叫人修改《淫褻及不雅物品管制條例》,到最後仲要走去講陳冠希的版權!移形換影速度快如「移花接木」,令人嘆為觀止!

禁狗仔隊啦!禁娛樂版啦!以後報紙唔使調查,只係報導人地講乜就得了!人地話係移花接木,就講係移花接木囉,仲使乜調查,全部都係私隱嘛!

係囉,又講私隱,又轉過頭返去講《淫褻及不雅物品管制條例》?陳韜文識唔識法律?定係佢想改條例做《私隱及不雅條例》,凡被報導的人認為「不雅」,就唔可以報導?

到最後一句,陳韜文立即露底--陳冠希已表明是相片版權持有人,呼籲傳媒刊登時考慮版權問題!嘩,乜陳韜文咁關心陳冠希的版權呀?定係佢覺得旗下的報紙唔識法律,冇法律代表,要由陳韜文待勞呢?

唔知「報評會」在這一個月內,可有做過任何積極的事情,例如透過演藝人協會關係,聯絡陳冠希早日承認相片版權,以早日「呼籲」全港報紙,要「考慮」版權問題?

版權問題係民事,報評會係唔係當旗下的報紙全部人人都唔識法律,要佢地「呼籲考慮」?

既然陳韜文大大聲用陳冠希的版權問題說教,點解陳韜文唔譴責陳冠希咁遲先出來,助長歪風呀?陳韜文係代表邊個?代表陳冠希,代表海關,定係代表法律界?呢 d 咁樣質素的組織,仲成日話要政府俾多一些權力俾佢?事隔一個月出來發膠音,代陳冠希講版權?你咩身份呀?

再望望「報評會」的副主席身份,咦?香港演藝人協會前副會長?呢件事上面,報界的立場同演藝人協會有冇利益衝突呢?一大堆演藝人、報紙作故事,搵一堆冇名冇姓的「專家證人」出來,再加上一班有名有姓如查小欣之流的評論,報評會點解成個聲明提都唔提呢?

2007 香港報業評議會主席及副主席
主席:
陳韜文教授
香港中文大學新聞與傳播學院教授

副主席:
黃錦燊博士
執業大律師、香港演藝人協會前副會長

張圭陽博士
香港電台訓練及發展組總監

點解作為「報評會」走去關注演藝人的版權,仲多過傳媒老作新聞講大話?演藝人講大話,演藝公司講大話你話唔關自己事,全港傳媒湧現一對冇名冇姓的「專家證人」,「一眼睇落去就知係移花接木啦」、「全港市民都支持阿嬌」--這些大是大非的道德問題,報評會唔關心o架?報評會難道只關心演藝人的私隱,點解唔關心下傳媒公然欺騙市民的問題?難道新聞的真假唔重要?難道報評會一點都唔關心傳媒作新聞?咁當年成日譴責陳健康事件,仲有咩 ground?呢個組織仲有咩資格自稱代表香港的報業?

伸延閱讀:
陳冠希錯甚麼之三
陳冠希錯甚麼之二
福佳,We have money!
報評會關心假新聞嗎?
人大「近乎完美」評淫相記招公關
陳冠希有尊重私隱權嗎?
問題還是民主普選!
不小心有沒有錯?
淫相記者會
過百萬人要錯監?
警方錯上加錯
從假消息看淫相風波
疑似藝人的雙重標準
警方的死貓
朋友!
應公開受害人資料嗎?
失控之二
文匯報就是「移花接木」源頭
公信第一的朋友
「奇拿」再現
移花接木選擇性執法
陳冠希有誠意嗎?
陳藝人移花接木?
譚校長金句陪過年
沒有動機都可以硬膠
是誰累死 A, B, C, G?
長毛網站被 Hack--警隊何在?
原來真相最不重要
有人敢企出來報警嗎?
白色恐嚇--不雅廿三條
選擇性道德之二
淫照風暴陷兩難
工聯會改名做商聯會吧!
幾時拉埋「哂蕉藝人」?
選擇性道德
熱烈祝賀香港選擇性執法!
從色情連結案看淫相事件
失控
裸照風暴
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    7 個月前

最近文章

再次伸延閱讀