支持及訂閱請按 Like

星期六, 2月 16, 2008

警方錯上加錯

由雷射槍案、警監會案、女犯人移送程序出錯案,到鍾亦天案,警方都是把自己所犯的錯,推到他人身上。

大家質疑雷射槍不準確,是質疑你警方如何使用,而不是質疑雷射的科學問題;警方之前一直死撐,說自己沒有錯,最終律政司再次出來說明,是警方所指的位置,在物理學上根本不可能,因而被對方律師質疑資料錯誤,疑點利益歸於被告,放生林建岳的,不是律政司,而是警方的錯誤行為。

疑警員押解程序出錯 13 歲女犯跳警車逃走
想問一句,點解咁都會錯?後面個警病左?死左?個位爛左?定係呢個作風,就係香港警隊目前經常發生的實況呢?

有志者何在?如何解釋這種荒謬的情況?唔知如果警車坐的係鍾亦天,會唔會發生這樣的錯誤呢?定係靠害,到時就屈鍾生係逃犯?就好似果「五十七萬詐欺案」咁?冇料舉證,就拉定人先?

講來講去淫照案的法律觀點,第一個問題是不雅,第二個問題是私隱權。講不雅,未去淫審處評級,我地成班網民一開始就講左;當然我地唔係神仙亦唔係傳媒,唔知到警方拿上庭果張相係咩相,今次全靠明報--今次真係要讚!把那張相送去淫審處,於是警方膠到冇朋友的情況,終於爆炸。

私隱權--藝人自拍俾人上載,那些人保管不力的責任大些,定係警監會把全香港所有投訴警察的資料,放上網保管不力的責任大一些?如果轉載藝人相片,就應該俾人拉去坐監,咁警監會果 d 資料,點解警方唔出動同樣的人力--百個或者十九個人員,去捉拿果些上載警監會資料的人?全香港市民的私隱權重要一些,定係幾個藝員的私隱重要一些?香港警察係為左市民做事,定係為左藝人做事?

至於五十七萬案件,你有料就立即告人,點解唔等埋有料先告?如果冇料,你憑乜野當眾宣佈鍾亦天「可能被告」?疑點利益歸於被告,可不是歸於香港警隊,如果連呢條罪你都告唔到,或者告唔入,全香港的差人,就因為你地幾個高層亂發音,而俾你地連累哂。

淫審處的評級,本身已經膠;可是原來警隊比起淫審處更膠!下一步,就係成班議員大帝開工講法例的時候,作為網民,我地一定要全力去防止任何人,立出一條好似兒童色情條例一樣膠到冇朋友,充滿灰色地帶的硬膠法例。

伸延閱讀:
福佳,We have money!
不小心有沒有錯?
淫相記者會
過百萬人要錯監?
警方錯上加錯
從假消息看淫相風波
疑似藝人的雙重標準
警方的死貓
朋友!
應公開受害人資料嗎?
失控之二
文匯報就是「移花接木」源頭
公信第一的朋友
「奇拿」再現
移花接木選擇性執法
陳冠希有誠意嗎?
陳藝人移花接木?
譚校長金句陪過年
沒有動機都可以硬膠
是誰累死 A, B, C, G?
長毛網站被 Hack--警隊何在?
原來真相最不重要
有人敢企出來報警嗎?
白色恐嚇--不雅廿三條
選擇性道德之二
淫照風暴陷兩難
工聯會改名做商聯會吧!
幾時拉埋「哂蕉藝人」?
選擇性道德
熱烈祝賀香港選擇性執法!
從色情連結案看淫相事件
失控
裸照風暴

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    11 個月前

最近文章

再次伸延閱讀