支持及訂閱請按 Like

星期日, 2月 03, 2008

是誰累死 A, B, C, G?

午夜夢迴,問問自己良心,是誰累死藝人 A, B, C, G?

災難發生了,相片被上載,難道成班人,半個識 IT 的人也沒有?全世界這麼多網站,你可以全面封殺、打壓、執法?你以為中國大陸政府,會陪你打壓色情照?

不是人人返大陸拍戲,人人愛國的嗎?連內地網站只嚴打政治,實際上對色情放水都不知道嗎?
在內地有沒有去過舞廳?有冇去過指壓?有冇去神州大地見識過?你們沒理由不知道吧?法輪功和民運人士,都是利用咸片「偷運」政治影片供人下載,你們個個對此都沒有所聞?

這批相的來源,有關人士不會不知情吧?根本不需要有甚麼「奇拿」,本身就流傳到四圍都係;明知禁也禁不絕,高調發聲明,又出律師信,這叫做弄巧反拙,反激起他人的好奇心,甚至激起他人的怨憤。

今鋪香港藝人最傷唔係在香港--而係在內地!香港死硬 Fans 都仲會撐你、同情你、可憐你、支持你,問心果句,BT 開的都係 BT,俾錢開的都係俾錢,廣告商本身都隻手遮天啦,使唔使咁大反應?結果而家全國十三億人民,上哂網果班高消費力、高學歷社群,反而係最不滿你香港藝人的一群;佢地唔係冇選擇,除左國內藝人,仲有台灣藝人選擇;呢鋪你地咁樣打壓捉上載者,有冇去內地的討論區望一望咩環境?

全國最知名的,最官方的《百度貼吧 「G」吧》,俾憤怒的內地網民連續幾日狂柴台,不滿呃神騙鬼的說話,不滿強力打壓,不滿顛倒黑白,結果連續洗版幾日,有國家支持的機構,都投哂降冇符,負責人不斷俾人迫到辭職走佬!

內地見雪災咁嚴重,民工返唔到家鄉,咁多怨氣不滿,不如轉過來俾人「借相消氣」,轉移視線少一些怨氣,把怨氣全發在有關的藝人與公司身上;係囉,成班人在香港隻手遮天,你以為在大陸都可以?你以為求其有個人大政協名銜,就可以在大陸橫行?另一方面,你知唔知成班高幹子弟等緊睇相睇片?掉轉頭,咩環境呀,以為內地政府係香港土共呀,會幫你打壓淫相?

一向被封殺的香港政治網站,自從「淫相事件」之後,突然全面解封;冇港股直通車,突然多左網民直通車,連黃毓民個網台都自由自在地聽得到;在「網絡自由行」帶動之下,全港網站大擠塞,偏偏就係香港呢班權貴,全部都係科技盲、知識盲。

係囉,如果冇內地咁多網民轉載,你估有冇傳送得咁快?如果冇 d 硬膠戰略,會唔會搞到件事一發不可收拾?如果冇報警,冇警察咁「努力」執法「幫忙」,會唔會激起咁多網民嬲到呢個地步?

自便利的「偷拍」、「濕身」兩案之後,成班「偽人」食得好滋味,以為次次亂發音抽水,就可以隻手遮天,把白的說成黑,把黑的說成白,再反咬他人一口--結果?未衰哂囉!

你們對警方的處理手法,不是沒有所聞吧?明知咁樣報警,又咁樣出聲明,結果只得一個,就係真係拉人封艇,真係上庭審訊果時,成堆證物呈堂,你認為會好好睇?字母小姐案果次有咩結果,大家都知啦;今次又唔係俾人欺騙感情肉體,玩到咁大,搏上報咩?當年冇互聯網,今日有呀大哥大姐。

上傳不雅照片咋,班土共呃你地「玩大佢」,實質係借機抽水,用來推「網絡廿三條」咋;你地班友又諗住抽水打 BT,結果未玩過火,衰哂囉!

呢次突顯左最荒謬的地方,就係成班人中哂土共的毒,以為可以搞塔利班式獨裁政權,以為土共同中共係一樣的;誰知道中共已經質變緊,最少在人民的生活自由方面,根本管唔到,亦唔會管;BT?老翻?阿水都知內地係源頭啦;你禁到香港,禁到內地咩?順應潮流改變商業模式啦。

成班有錢佬,仲諗住扶班二世祖「繼承祖業」,唔單止係繼承財產,仲以為可以繼承權勢;知唔知北京點睇你地?知唔知今日的中央最憎係乜?

伸延閱讀:
福佳,We have money!
警方的死貓
朋友!
應公開受害人資料嗎?
失控之二
文匯報就是「移花接木」源頭
公信第一的朋友
「奇拿」再現
移花接木選擇性執法
陳冠希有誠意嗎?
陳藝人移花接木?
譚校長金句陪過年
沒有動機都可以硬膠
是誰累死 A, B, C, G?
長毛網站被 Hack--警隊何在?
原來真相最不重要
有人敢企出來報警嗎?
白色恐嚇--不雅廿三條
選擇性道德之二
淫照風暴陷兩難
工聯會改名做商聯會吧!
幾時拉埋「哂蕉藝人」?
選擇性道德
熱烈祝賀香港選擇性執法!
從色情連結案看淫相事件
失控
裸照風暴
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    1 個月前

最近文章

再次伸延閱讀