支持及訂閱請按 Like

星期二, 1月 22, 2008

股市升降機

港股急挫二千點,歷來最大跌市
[22/01 星期二 16:31]

環球股市下挫,港股急跌超過二千點,以點數計,是歷來最大跌市.大市今早低開後向下,下午曾急跌2109點,造出21709點低位後,跌幅一度收窄至不足千五點,但尾市再受壓.恆生指數收市報21757點,跌2061點,跌幅百分之八點六,大市回落至五個幾月低位,成交一千五百幾億,比昨日多三百八十二億元.
次按陰影下,匯豐(0005.hk)跌至四年幾低位,收報104.4元,跌九個二.中國人壽(2628.hk)下滑一成六,收27.6元,跌5.25元,是最弱勢藍籌股.不過,裕元(0551.hk)逆市向好,升一毫,收報23.1元.國企指數收報11911點,跌1619點,跌幅一成二,是五個月低位.

港股兩日來,累積下滑三千四百幾點.財經事務及庫務局發言人指,面對股市波動,金融監管機構已採取適當的風險管理措施,以確保市場有秩序地運作
環球股市今日跌勢,蒸發市值五萬億美元.投資者質疑美國刺激經濟的成效,觸發歐洲股市持續昨日跌勢,今日初段跌百分之三至四.亞太股市跌百分之四至九.

記得一年多之前,林忌寫過一篇文,講述一間硬膠銀行的硬膠政策,說不明白這間所謂「穩陣」、「跨國」的超級銀行,何以得到這麼多盲目追捧之時,還常被身邊的「好友」取笑,說林忌愚蠢,不去投資買這間銀行的股票。

林忌當時已經說,要賭錢、投機,大把二三線股中資股好玩過匯豐,要保本保值,呢間銀行有好多潛在危機,單從佢在香港的基礎業務態度,就令人難以相信佢--論穩陣,點解唔存美金定期?當時仲有 5% 以上的回報喎。

結果,有些「大好友」,o係一百四十幾蚊入貨,跌到而家得番一百零四個四,明明呢筆錢係用來「保本」而唔係豪賭,而家變左坐艇。

由當年荷蘭的鬱金香熱第一次股市泡沫開始,到大陸今日炒蘭花,你就知道呢個時候係爆破的時候,而今次股災就係時候提醒下大家,每次末日來臨前,都係冇預警的。

當然,我相信隨時來番個「新.大奇蹟日」,在三月港股直通車開放之時,再來一次升降機,把所有散戶夾殺,你睇佢跌佢就升,你睇佢升佢就跌,然後在奧運後先再來一個大股災,唔好衰到好似日經平均指數咁,由當年的四萬幾,跌到得番今日的萬三都冇。

股市,係唔可以講戰略的;因為股市係心理遊戲 (mind game),短程的戰術主宰了命運,如果你仍然樂此不疲,唯有祝你好運吧!

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀