支持及訂閱請按 Like

星期四, 1月 17, 2008

法蘭西玩謝毛澤東

惡搞毛澤東法車廠認錯
「雪鐵龍滾出中國!」法國第三大汽車生產公司雪鐵龍(Citroen),最近以已故中國國家主席毛澤東做代言人,在西班牙多份報章刊登全版廣告。但廣告中的毛澤東嘴歪兼鬥眼,引來中國大陸網民強烈不滿,揚言要雪鐵龍從此在大陸消失。

雪鐵龍這幅平面廣告,由一幅毛澤東的設計畫像和一輛雪鐵龍揭背式跑車構成。毛主席像沉臉、嘴巴左歪、一雙眼睛無法對焦。廣告底部寫:「是的,我們是領導人,但雪鐵龍的革命永不止息。」

中國網民看見廣告後不住咆哮:「這可不是鬧著玩,它可影響整個中國,傷害中國人民感情。」

「侮辱了全中國人民」
「不只蔑視毛主席,更侮辱了全中國人民!」官方報章《環球時報》也批評:「毛主席的樣子很奇怪,廣告肆意扭曲了他。」雪鐵龍立即停刊廣告兼道歉,更重申對中國人民表示友好,並高度尊重中國的代表人物及標誌。
尊重毛主席的第一件事,就是應該尊重毛主席的「你辦事,我放心」,把華國鋒從歷史廢墟中重新扶起來,為江青平反,為「毛主席路線」平反,立即停止今日「社會主義市場經濟」,回到三面紅旗去,對不?

法蘭西點解次次都玩中國?因為法蘭西呢個國家,就係最鍾意玩膠;總統結婚?離婚?包二奶?冇問題!成個國家玩罷工,鐵路全部停擺?冇問題!示威放火掟石?冇問題!公路上出現坦克車?都冇問題!隨時隨地封路,凌晨兩點高速公路都塞車?也完全冇問題!所以一個咁樣的國家,就會拍出《中國佔領巴黎》的膠戲,法國人一起對自己的膠力非常自豪,所以佢地都同樣地欣賞另一個膠國--就係中國。

「膠燈式玩膠」的老始祖,根本就係來自法國文化;法國人玩膠係非常認真的,而佢地又好鍾意 d 古靈精怪的意念,因此玩膠愈認真愈起勁!玩膠冇問題,最怕就係膠力不足玩唔起;你去法國睇一睇佢地電視台廣告,唔識聽法文都會以為自己去左外星;香港的廣告「創意」,去到真係渣過玩泥沙。


雪鐵龍個個廣告都好膠,由辛康納利 (Sean Connery) 開雪鐵龍開到 007 返老還童,到今日用老毛來玩,都係一貫的作風。大陸所謂的「惡搞」,根本就係法蘭西文化不可分割的一部份,你話人地玩膠「傷害膠國人民感情」,人地隨時回應你一句:「你唔俾我玩膠,夠傷害我法蘭西全國人民的感情啦」。

唔信?試下搵拿破崙或者薩爾科齊甚至戴高樂來玩囉,法國人唔止唔會鬧你,仲會讚你過癮添,唔好忘記雪鐵龍係法國總統御用坐駕,前排法國傳媒仲投訴,自從薩爾科齊做左總統之後,日日坐住架 Citroen C6 四圍去,再短路程都要坐車,坐到唔捨得停;戴高樂當年就係坐住架 Citroen DS 俾人打甩兩個車轆,全靠雪鐵龍獨家的油壓避震技術,都可以用時速 70km 每小時開走,安全冇事;世界越野錦標賽四屆冠軍,法國的勒布 Sebestian Loeb,就係開雪鐵龍,你話雪鐵龍滾出中國,最後損失的是誰呢?尊重老毛,就開紅旗車算啦!

上圖為膠城冥王的改圖:掃把頭版本原圖按此!)
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    5 個月前

最近文章

再次伸延閱讀