支持及訂閱請按 Like

星期三, 1月 16, 2008

隔牆有耳:福佳再度添食

隔牆有耳:福佳再度添食

近期最多人大大聲唱 hit 歌 ,相信係《2012 We are Ready》,呢首歌改編自北京奧運主題曲,連惡搞回歸十年金曲《始終有你》「福佳系列」幕後黑手林忌都睇中,整首《福佳三之 We are Ready Remix》,仲搵埋藝人袁彌明 Erica 一齊唱。林忌改編歌詞辛辣諷刺,後生仔女應該有feel 好多 。
林忌同 Erica 點解忽然行埋呢?林忌話,其實唔知 Erica 把聲得唔得,但好欣賞佢敢言,係少數夠膽公開撐陳太藝人,所以搵佢;Erica 就話覺得首原裝奧運歌同《始終有你》幫人洗腦好難頂,佢又讚《福佳》之前兩個版本批評時事好到肉,所以一口應承。

天王巨星齊合唱
改編《始終有你》《福佳始終有你》,唱到街知巷聞。林忌話,羅范、馬力同葉劉幾個《福佳》主角今次有得留低,聲音演出方面, 除 Erica ,仲有福佳版校長、穿屎、黑勤、安琪、亦信、冠A、勁軒同側頭呢批 hit 爆歌手,最難得係搵埋天國男高音之王「巴筏落提」,唱出比 High C 仲高半度 High C sharp,成為「高音 C# 之王」,大家真係要洗耳恭聽。

林忌話首歌日內完成錄音出街,網上暫時有半首,心急可以聽住頂癮。

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀