支持及訂閱請按 Like

星期一, 1月 07, 2008

求學不是求分數 登錯日期選條毛?

Photobucket
加料版轉載:李八方隔牆有耳:一舊雲羅范 懵盛盛選人大

港區人大代表選舉噚日開始接受報名。早前已事先張揚,話要報效祖國前教統局常任秘書長羅范椒芬,第一日就趕去報名,實行擔凳仔霸頭位,增加曝光率,「飯焦」話晒係前高級公務員,又負責搞香港育政策,推動通識教育,叫學生要關心時事、認識祖國,但係佢噚日報名陣,講到佢對人大o既認識,加埋連人大邊日投票都搞錯, 八方聽到就笑死,但有在學子女家長就要諗下:囝囝女女係咪要重新學過通識學科﹗咁都咪話唔驚。

選人大≠搞政治

識做騷未必有用,要選人大,起碼要識多少國情,知道人大究竟有乜職能先?飯焦當年敗走統局,頂唔住民意對佢批判,就發晦氣話香港政治畸形,令佢厭倦政治,講到政治點樣十惡不赦,而家佢又走去選,係咪前言不對後語?點知飯焦話,「我唔覺得呢個(人大代表)係政治。」八方即刻呆!全國人民代表大會即係中國國會,中國憲法第57 條寫明,「中華人民共和國全國人民代表大會是最高國家權力機關」,選人大代表,即係等於選國會議員,咁都唔叫政治,乜先叫政治?難怪飯焦搞通識育,畀唔少人批評搞到學生「通通唔識」! (林忌按:包括在港大論壇質問陳太如何解決的葉劉淑儀,葉劉應該質問下飯焦先o岩啦)

除連人大代表係乜都唔知,最搞笑係飯焦份宣傳單張,叫人 2 月 25 日一定要投佢一票,不過人大選舉係 1 月 25 日投票,咁究竟飯焦叫班人大選委 2 月 25 日投乜票?抑或係佢其實想叫班人大選委,1 月 25 日唔好投佢自己一票?身為前高官,理應做事好有條理,連投票日都搞錯,叫人點選佢呢?

噚日有行家問飯焦,話佢份宣傳單張似葉劉,飯焦立即「黑面」發火,猛話自己唔似葉劉。八方都同意,起碼葉劉參選立法會補選,宣傳單張雖然都有錯字,但未至於「水皮」到連投票日都搞錯!

林忌按:中學生選學生會,犯呢類錯誤都立即出局......香港班膠官/前膠官的反智程度,已經去到令人懷疑佢地智商的地步;點解教師要考語文基準試,但老董、飯焦同呢班人大,唔使考智商基準試?

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀