[04/01 星期五 12:37]
西隧後日起加價,私家車收費由40元加至45元,的士加至40元,小巴55元,巴士收費加至80至115元,其他車輛收費維持不變。西隧表示,截至去年底,仍然負債四十億元,調整收費是為了有充足現金流去償還負債,以及確保公司穩健營運。運輸及房屋局說,減少優惠是西隧的商業決定,政府不斷游說專營公司,延遲調整收費。
立法會交通事務委員會主席鄭家富,批評西隧將加價浪潮推向高峰,要求政府買回西隧,或延長西隧專營權,由目前的 2023 年,或再延長多十年。
搶你荷包咁搶,政府識唔識起第四條海隧呀仲?買回專營權,一定要賣俾你?一萬億你買唔買?「政府不斷游說專營公司,延遲調整收費」,呢班官仲游說來把鬼呀?唔該慳番 D 工時,用來規劃第四條海隧啦。仲對西隧有幻想的,就真係膠到冇朋友。
延長西隧專營權,仲俾佢屈唔夠?以為延長專營權,佢地就唔會搶錢?不如鄭家富建議推遲到 2033 年普選,用來換取而家增加民主成份,你估土共會唔會應承你?民主黨又應唔應承?
明唔明咩叫以戰迫和?你冇籌碼人地睬你都傻,唔該啦,仲細咩.....
伸延閱讀:
福佳有理:建第四條海隧──比普選更難?