支持及訂閱請按 Like

星期四, 1月 03, 2008

丹拿山長者屋?膠夠未?

房協擬於北角及天水圍建長者屋
2008-01-03 ( HKT 15:48)

房協向政府建議,在北角丹拿山興建長者居所,提供 800 至 1000 個單位。主席楊家聲表示,地盤已經平整,斜坡亦已修葺,36 個月內就可建成,正等待政府回應。

房協亦正構思,在寶馬山道及天后廟道一帶,興建電梯,方便居民出入。

香港真係膠聞日日新,北角超靚地皮丹拿山走去起長者屋,幾時在禮賓府同山頂又起一些呢房協?

寶馬山的樓價幾錢一呎?丹拿山旁的丹拿花園、港運城幾錢一呎?樓價幾乎迫近太古城的地段,丹拿山是雄據一座獨立的山頭,是殖民地時代,香港二十年代北角七景之一的丹拿山 Tanner Hill(戰前著名的黑白屋所在),居然給房協用來起長者屋?玩呀而家?

「在寶馬山道及天后廟道一帶,興建電梯方便居民出入」!嘩,好方便!每日上下班、返學放學時段,成條寶馬山道、天后廟道全部塞車塞到阿媽都唔認得,有起事上來連救傷車都未必通行,係山上面起長者屋?你叫 d 阿婆阿伯日日行山行上去?房協幾時收購埋殖民地時代,布政司史釗域的山頂豪宅「十間」,用來起長者屋呀不如?呢班官僚做規劃果時,佢地個腦生係邊的?D 長者出入一定「超方便」!既唔方便老人家,又失去賣地收入浪費公帑,「雙輸」的方案,真係膠到冇朋友。

丹拿山村拆果時,大把人唔肯搬走,因為風水極佳,住得好舒服;呢 d 超靚地段用來做「長者屋」?係邊個個腦有問題?幾時拆左禮賓府用來起公屋算啦不如!呢 D 錢就唔係錢,應使則慳,應慳則使,唔寫個服字都唔得。
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    8 個月前

最近文章

再次伸延閱讀