支持及訂閱請按 Like

星期二, 12月 04, 2007

助選碌地論

林忌發現,近日泛民主派的技術越來越高超,就來可以進軍荷李活,為香港爭光!

唔信?葉劉支持者講呢 D 野:

1. 十二月三日凌晨二時,灣仔街頭有人貼出「祝賀葉劉當選」的橫額,有葉劉支持者在討論區表示,是我們 key 落去的。

我地就算有呢個技術,都冇你地咁差 taste;連陳太當選我地都唔會貼野慶祝啦,幫你 key 張葉太當選圖?發夢呀?

2. 有葉劉支持者在博客表示,近日所謂的選舉暴力事件,原文轉述,指泛民支持者「到處躺在地上說讓對方助選團"鬆踭"受重傷」

我諗泛民同蘋果的威力真係大,或者原來蘋果受中共中央政府資助都未定,因此可以收買到各大傳媒的記者,昨日係北角俾人打囉,連蔡素玉都俾我地收買埋,一齊入鏡!人人仲拍 youtube 拍到超高技術,個個都係「到處躺在地上說讓對方助選團"鬆踭"受重傷」,呢位小姐講野,真係好有當年六四袁木的味道。

比起馬力的「坦克碌豬論」,呢位小姐更勝一籌!下次不妨講,話六四的學生係「到處躺在地上說讓對方坦克車"碌過"受重傷」

警方一定俾泛民收買左,所以在有些人被補,又一定係「到處躺在地上說讓對方助選團"鬆踭"受重傷」!咦?唔知咁樣某人又有冇妨礙司法公正呢?

葉劉的支持者質素就是如此,假的當成是真的,真的就選擇性不看,把自己的雙眼蒙閉,把所有證據視而不見,對,所有野都係「肥佬」的「文革」;大嬸,咩叫文革呀?國家機器推動的文革,可以由一個商人推動?強,全港幾千個社團,幾十個傳媒偏幫,都可以輸波賴地硬,話傳媒偏幫?偏幫邊個呀?

偏幫?葉劉自認回港不足年幾,咁都符合「通常居港三年」的規定,就係偏幫啦;政府今次對此完全不回應,選管會做縮頭龜,話跟進湯家驊的投訴,跟進到選完都冇影,咩叫偏幫?呢 D 未叫偏幫囉!

又話爭取政策,我地只係要求報稅的免稅額,同葉劉的標準睇齊,咁幫大家荷包著想的問題,各大「關注民生」的傳媒,「關心經濟」的媒體,「關心實事」的各大政黨,點解齊齊做無聲狗?「供養父母免稅額」對所有納稅人息息相關,話關心政綱關心政策的,關心去左火星?

中央政府的官員,希望你們了解一下,這班腐化無能的混帳,花了中央這麼多的錢,做出這樣的成績半分檢討也沒有,還居然敢這樣推卸責任,想靠他們統治香港?不是吧?咁賞識佢地,不如送番大陸做官啦!我林忌第一個表態支持葉劉,參選北京市長!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    2 個月前

最近文章

再次伸延閱讀