支持及訂閱請按 Like

星期六, 12月 15, 2007

德成僱傭兵玩火

官員指新委區議員大多任期不逾六年
[14/12 星期五 18:58]

政府宣布,委任102人加入新一屆區議會,部分人是第三度獲委為區議員,民建聯說無向政府推薦及爭取委任,民主黨批評委任區議員,是政治收買。民政事務局常任秘書長尤曾嘉麗就話,衹有超過一成人,是再度獲委任做區議員,認為大致有跟隨任期不超過六年的規定。

尤曾嘉麗重申,委任是根據資歷及對地區貢獻而定,確保各個區議會,有不同界別人士,發揮所長及表達意見。

大家憤怒之前,請留意多一單舊聞:
(香港:2003年12月27日)香港特區政府今天公佈102名 委任區議會名單。

有冇覺得好神奇?以特區政府發放消息的老謀深算,星期三先放出福佳綠皮書,成套「拉登式」電視錄影放上香港電台,星期五就來宣佈委任區議員?唔通當奴想故意激死泛民?

2003 年都放完聖誕先來公布,2007 年有冇必要選擇咁急公布呢?特別係大家講緊要「同心協力」,傾出一個普選方案的時候?

當奴雖然膠爆,但當民望插左水,阿爺重點要注意的「政改方案」,偏偏呢個時候來公布委任區議員倒米,慌死大家唔夠慶咁,你認為當奴係唔係仲蠢過董建華呢?

又咁橋,繼上星期民政事務局曾德成發爛渣之後,今個星期就選擇o係星期五晚的六點,去發放委任區議員消息;急成咁,急住去死?

德成僱傭兵玩火目的何在?如果用林忌果個「2012 音樂椅」假說,一切就講得通了!正如果個比喻,當奴打開左 2012 普選特首度門(原本,佢根本大可以話冇共識),四方是旦一個要出來否決。

當然如果中央蠢到要自己出手否決,以為否決唔會帶來後果,我地就一齊食花生等睇戲;但如果唔係中央否決,當奴自己舉出來,就係擺明玩野,推土共落火坑,等土共自己哽左佢。

有見及此,作為德成僱傭兵,梗係要幫大佬救急,立即火萬火急把手頭上準備果批委任區議員,急急腳在周末之前送出街,慌死你班泛民唔夠慶咁,呢條移禍江東毒計,激到所有泛民主派的死忠支持者,立即同當奴勢不兩立,用然後泛民主派宣佈唔同當奴傾,到時冇共識的責任就推哂落泛民身上,土共未唔使自己否決 2012 普選特首囉,你話幾好呵?

林忌呢幾日收回來的線報,全部顯示土共,對今次綠皮書放入 2012 普選的建議驚到腳軟。曾氏兄弟呢招果然夠絕,泛民中唔中計,就睇你地自己了。

伸延閱讀:
2012 音樂椅
福佳有理:泛民要以退為進
泛民:我們都是偉哥
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    6 個月前

最近文章

再次伸延閱讀