支持及訂閱請按 Like

星期四, 12月 13, 2007

2012 音樂椅

有一個遊戲叫做音樂椅,就係參加者人數比起椅子多一個,於是音樂聲結束的時候,走得最慢搶唔到椅果個就出局。

今日 Donald 就係玩左一個音樂椅方案,最古惑的地方,就係冇否定 2012 雙普選的可能性。
參賽者有四個:特區政府、中央政府、保皇黨、以及泛民主派。

曾蔭權最古惑,就係人人都以為佢會把 2012 普選大門關上,點知佢唔關不特止,仲講到件事有得傾。

拿,如果佢話有得傾,泛民主派你同唔同佢傾先?
如果泛民唔肯傾,自己選擇出局,咁當然乜都幫你唔到,愛莫能助啦,係咪?

但泛民如果醒醒目目,同佢「玩真的」,咁如果有人想否定 2012,就得番土共同埋中央政府去做醜人。

大家認為曾蔭權有冇 Guts,迫中央政府做醜人先?如果中央政府唔容許,你估曾蔭權敢唔敢寫 2012 落本福佳綠皮書度?

中央唔關門,特區唔關門,泛民支持,咁要關門就得番保皇黨--事實上,普選對前三者冇乜損失,損失最大的,根本就係香港班不成器不成材不知所謂的保皇黨人,以及打算奪權的垃圾土共而己。

無論你信唔信政府都好,最緊要係音樂椅上迫保皇黨出醜;呢個音樂椅遊戲係最大的機會,係你玩人定係人玩你,就睇你自己啦......

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    10 個月前

最近文章

再次伸延閱讀