支持及訂閱請按 Like

星期五, 11月 02, 2007

強制反燃料污染立法

團體望少數車獲豁免停車熄匙
[02/11 星期五 15:50]

環保署署長王倩儀,與多個環保團體會面,收集對停車熄匙諮詢文件的意見。其中長春社總監張麗萍在會面後表示,希望只有少數車輛可獲豁免,又認為若汽車製造商可提供數據,證明某些車輛停車熄匙後,再在高速公路長時間行駛後才會「傷車」,可釋除業界的擔心。
而的士小巴團體要求氣溫低於廿二度才執行,又擔心車廂在停車熄匙後會翳熱,乘客會轉搭地鐵。

長春社,咩叫「又認為若汽車製造商可提供數據,證明某些車輛停車熄匙後,再在高速公路長時間行駛後才會傷車」?學土共的衰野,搵一 d 所謂證據,然後去老屈?

傷車就傷車,唔傷就唔傷,呢 d 係基本的機械工程問題;好似有線電視講果隻勞損,就一定會發生的,唔係你選擇性搵一 d 證據,就可以老屈的。

張麗萍小姐如果可以在夏天連續做三個月停車熄匙的職業司機,我地個個跟你一齊立法又如何?一班坐在辦公室嘆冷氣,卻把責任推到低下階層的市民,就係呢 d 啦;不如由所有支持的官員、環保組織,一齊坐在一個冇風扇的半密封鐵皮屋,放在最繁忙的街道上面暴曬,睇下佢地捱到幾耐,好唔好?

林忌寫左咁多篇文,搵左咁多證據,用左咁多腦筋,去解釋俾呢班大帝知道,如果立法停車熄匙,結果就係大家鬥唔停車,令交通惡化幾倍,令廢氣再排多幾倍,偏有班大帝唔信邪。

我地不如試行嚴打一個月呀?如果塞車惡化左,空氣更污染左,所有建議停車熄匙立法的人,一齊切腹謝罪,好唔好?

唔敢捉班有錢佬用幾千 cc 的跑車,浪費燃油排出大量廢氣;唔敢捉班有錢人浪費資源,一個人坐一架七人車,卻去選擇最「塔利班」式的道德立法,在家開電燈浪費使唔使立法?在家用電高使唔使立法?浪費地球資源使唔使立法?對地球沒有貢獻又使唔使立法?

放著一大堆柴油車、特別係歐盟前期一期唔去捉,好似覺得我地偉大的警隊唔夠野做,偏要亂立法用低能手段,去呃神騙鬼對環保做理論上最少功能,實際上最大傷害的事情;我對支持呢個建議的所有人,唯有送出廿萬個膠,期待你們拿出承擔,在出事後切腹以謝天下。

真係要真心為環保,環保組織對得住你地的良心,就推動以下的建議,你地係為左環保,定係為左呃飯食假環保?

環保組織,支持強制反燃料污染立法嗎?

1. 凡五坐位以上的私家車(如七人車),如乘客不足三位,不得開車,否則罰款 $3200
2. 私家車凡 2500cc 以上,需每月繳交 $10000 的空氣清新稅,而 3000cc 以上的私家車,香港不准入口。
3. 所有歐盟二期以前的柴油車輛,不准進入界限街以南行駛

這就是立竿見影的「藍天行動」,最少令市區路面污染減少 30%-50%,比起停車熄匙不止所謂的 0.00x% 甚至負效應,好得太多。

政府敢唔敢得罪田少這類有錢人?要空氣清新定係出賣良心?

申延閱讀:
潮童不宜:支持強制行車熄匙立法!
福佳有理:強制停車熄匙立法,欲移植澳門大遊行?
別讓巫醫來治巴士廢氣
環保大躍進-三面紅旗之電子道路減廢氣(下)
環保大躍進-三面紅旗之電子道路減廢氣(中)
環保大躍進-三面紅旗之電子道路減廢氣(上)
環保大躍進-三面紅旗之廿五點五度
環保大躍進-三面紅旗之停車熄匙
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    4 週前

最近文章

再次伸延閱讀