支持及訂閱請按 Like

星期二, 10月 09, 2007

硬膠邏輯大全錄之一

雖然明知一些人「膠性不能移」,可是多次見到這些硬膠邏輯實在忍無可忍;因此,林忌決定在此踢爆,這些硬膠邏輯的不合理性,供各位再次遇到這些「膠人」之時,直斥其非。

硬膠邏輯一:有野心
一些偽君子們很喜歡用「有野心」來批評一個人,例如選議員「有野心」、「拎著數」,彷彿投佢一票就會發達,又唔抵得人地發達!和孟子的「何必曰利?」硬膠邏輯如出一徹,凡追求利益的野心,就是錯的。

例句:陳太咁老都出來選,都係想做特首之嘛
例句:陳太退左休都出來選,都係想上位之嘛

硬膠邏輯二:冇承擔

當偽君子們用「有野心」來批評完人之後,轉個頭又忘記了自己說過的話,就用「冇承擔」、「冇準備」為藉口,去質疑人家的誠意云云,去欺騙自己欺騙別人,去為自己開脫。

例句:陳太都係被迫出來選,人地葉劉有誠意好多 -- 咦?唔係話人地有野心咩?點解被迫出來選果個,反而變左冇誠意?葉劉唔係更有野心咩?
例句:陳太咁遲先出來選,完全冇準備,相反葉劉一年前就有準備,有誠意得多 --  用一年時間來準備「上位」,唔係更「有野心」咩?為何陳太就是有野心,葉劉就是有誠意,你講哂啦不如

硬膠邏輯三:投票無用論
偽君子為自己的無知開脫,質疑你一句:「陳太贏左就有普選?」,去為自己什麼也不做的行為開脫,用來抹黑那些肯付出的人。

西方民主的目的係「兩害取其輕」,而唔係中國膠常提的「選賢任能」;最好的回應方法:「乜造愛一定包生仔?只坐係度發夢就必定一事無成」

例句:投左佢一票就有普選/民主咩?

硬膠邏輯四:班政黨乜都嘈一餐!
中國其中一種硬膠思維,叫做「以和為貴」;凡出力去爭取,無論你爭是公平、公義或者其他儒家推祟的仁政都好,他們是不關心的;甚至反過來,抹黑你做「搞事」、「嘈嘈閉」、「搞搞震」云云。

回應方法:下次俾人偷竊/打劫/強姦之後,警察會同你講:「你條契弟乜都嘈一餐!返屋企食屎啦!」

例句:班政黨乜都嘈一餐!
例句:班政客乜都要爭
例句:搞搞震為乜?
例句:日日家嘈屋閉

硬膠邏輯太多,不能盡錄;請各位踴躍提供,將繼續補上。

伸延閱讀:
硬膠邏輯大全錄之二

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    11 個月前

最近文章

再次伸延閱讀