隔牆有耳: 原版 《福佳》被投訴
觀眾眼睛係雪亮,影視及娛樂事務管理處 8 月處理投訴,可以證明呢點 。有關投訴主要係分別今年 6 月 30 日 、 7 月 1 日 、 7 月 7 日 及 7 月 8 日 , 無翡翠台同亞視本港台,播放一系列慶回歸節目之中,播放歌曲《始終有你》,令人聯想起以同一首曲但改歌詞《福佳始終有你》,再從而聯想到粗口「仆街」咁話。
大家睇到呢度,真係不能不佩服香港人創意,因為網友林忌填《福佳始終有你》真係深入民心;但係我唔好忽略投訴者心思,因為佢並唔係投訴《福佳始終有你》唱衰香港,而係去投訴電視播首唱好香港《始終有你》,咁就證明「公道自在人心」,好可惜,最後影視處話「歌曲或節目均沒有粗話,投訴理據不足」。